Comments on: ಇಲ್ಲದ ಭಾಷೆಗೆ ಎಲ್ಲವೂ ಇವೆ http://pavanaja.com/kannada/tech-related2-kannada/%e0%b2%87%e0%b2%b2%e0%b3%8d%e0%b2%b2%e0%b2%a6-%e0%b2%ad%e0%b2%be%e0%b2%b7%e0%b3%86%e0%b2%97%e0%b3%86-%e0%b2%8e%e0%b2%b2%e0%b3%8d%e0%b2%b2%e0%b2%b5%e0%b3%82-%e0%b2%87%e0%b2%b5%e0%b3%86/ Mon, 29 Jan 2007 23:59:39 +0000 hourly 1 https://wordpress.org/?v=6.3.8 By: ismail http://pavanaja.com/kannada/tech-related2-kannada/%e0%b2%87%e0%b2%b2%e0%b3%8d%e0%b2%b2%e0%b2%a6-%e0%b2%ad%e0%b2%be%e0%b2%b7%e0%b3%86%e0%b2%97%e0%b3%86-%e0%b2%8e%e0%b2%b2%e0%b3%8d%e0%b2%b2%e0%b2%b5%e0%b3%82-%e0%b2%87%e0%b2%b5%e0%b3%86/comment-page-1/#comment-29 Tue, 30 Nov -0001 00:00:00 +0000 http://pavanaja.com/?p=350#comment-29 ಅಲ್ಲಿ ಇಲ್ಲದ ಭಾಷೆಗೆ ಎಲ್ಲವೂ ಇದೆ. ಇಲ್ಲಿ ಇರುವ ಭಾಷೆಗೆ ಏನೂ ಇಲ್ಲ. ಇಷ್ಟರ ಮಧ್ಯೆ ಯಾರಾದರೂ ಏನಾದರೂ ‘ಇರುವಂತೆ’ ಮಾಡಲು ಹೊರಟರೆ ಅವರು ಭಾಷೆಯೊಂದರ ಉಳಿವಿಗಾಗಿ ಪ್ರಯತ್ನಿಸುತ್ತಿದ್ದಾರೆ ಎಂದು ಯಾರೂ ಭಾವಿಸುವುದಿಲ್ಲ. ಬದಲಿಗೆ ‘ಈ ಭಾಷೆ ಉಳಿಯುವುದರಿಂದ ಅವರಿಗೇನೋ ಲಾಭವಿರಬೇಕು’ ಎಂದು ಭಾವಿಸಿ ಅದನ್ನು ಪ್ರಯತ್ನಕ್ಕೆ ಪ್ರೋತ್ಸಾಹ ನೀಡದೇ ಉಳಿಯುವವರೇ ಹೆಚ್ಚು. ತುಳು ಅಕಾಡೆಮಿಯ ವಿಷಯ ಬಿಡಿ. ಕನ್ನಡ ಅಭಿವೃದ್ಧಿ ಪ್ರಾಧಿಕಾರ ಕನ್ನಡ ಯೂನಿಕೋಡ್ ನ ಸಮಸ್ಯೆಗಳನ್ನು ಬಗೆಹರಿಸಲು ಎಷ್ಟು ಉತ್ಸಾಹ ತೋರಿಸುತ್ತಿದೆ?

ಎಂಬತ್ತರ ದಶಕದ ಕೊನೆಯಲ್ಲಿ ಜಾಗತೀಕರಣದಿಂದ ಕೃಷಿ ಕ್ಷೇತ್ರ ಅನುಭವಿಸುವ ತೊಂದರೆಗಳ ಬಗ್ಗೆ ಎರಡು ಪರಸ್ಪರ ವಿರುದ್ಧ ಧ್ರುವಗಳೂ ಎನ್ನಬಹುದಾದ ತಾತ್ವಿಕತೆಯನ್ನು ಹೊಂದಿರುವ ಸಂಘಟನೆಗಳವರು ಮಾತನಾಡುತ್ತಿದ್ದರು. ಯಾರೆಂದು ವಿವರಿಸಬೇಕಾಗಿಲ್ಲ. ಒಂದ ಕಡೆ ಸಂಘ ಪರಿವಾರದ ಭಾಗದಂತಿರುವ ಸ್ವದೇಶೀ ಜಾಗರಣ ಮಂಚ್ ಮತ್ತೊಂದು ಕಡೆ ಎಡ ಪಕ್ಷಗಳು. ಇಬ್ಬರೂ ತಾತ್ವಿಕತೆಯಲ್ಲಿ ವಿರುದ್ಧ ದಿಕ್ಕಿನಲ್ಲಿದ್ದರೂ ಜಾಗತೀಕರಣದ ತೊಂದರೆಗಳ ಕುರಿತು ಒಂದೇ ಧ್ವನಿಯಲ್ಲಿ ಮಾತನಾಡುತ್ತಿದ್ದರು. ಆದರೆ ಯಾರೊಬ್ಬರೂ ಇವರ ಮಾತುಗಳನ್ನು ಪರಿಗಣಿಸಲಿಲ್ಲ. ರೈತರೀಗ ನೊಣಗಳಂತೆ ಸಾಯುತ್ತಿದ್ದಾರೆ. ಈಗಲೂ ಅವರು ಹಿಂದೆ ಹೇಳಿದ್ದನ್ನು ಯಾರೂ ನೆನಪಿಸಿಕೊಳ್ಳುತ್ತಿಲ್ಲ (ಬೇರೆಯವರೇಕೆ ಹೇಳಿದವರಿಗೇ ಅದು ನೆನಪಿಲ್ಲ.). ನಿಜವಾದ ಸಮಸ್ಯೆ ಎದುರಾದಾಗ ಕನ್ನಡಿಗರೂ ತುಳುವರೂ ಬ್ಯಾರಿಗಳೂ ಎಲ್ಲರೂ ಎಚ್ಚೆತ್ತುಕೊಳ್ಳುತ್ತಾರೆ. ಆಗ ಏನೂ ಮಾಡಲು ಸಾಧ್ಯವಿರುವುದಿಲ್ಲ ಎನ್ನುವುದು ಮಾತ್ರ ಈಗಲೇ ತಿಳಿದಿರುವ ವಾಸ್ತವ. ನನ್ನ ನಿಮ್ಮಂಥವರ ಕೆಲಸ ಶಂಖವನ್ನು ಸಾಧ್ಯವಿದ್ದಷ್ಟೂ ಜೋರಾಗಿ ಊದುವುದು. ನಾವದನ್ನು ಮಾಡುವುದರಲ್ಲಿ ಉತ್ಸಾಹ ಕಳೆದುಕೊಳ್ಳುವುದು ಬೇಡ. ಆಶಾವಾದಿಗಳಾಗಿರೋಣ.

]]>